'டீ'யுடன் பிஸ்கட் சாப்பிடலாமா?

 "டீ யுடன் பிஸ்கட் சாப்பிடுவது பலரது அன்றாட வழக்கம். இது நல்ல பழக்கம்தானா?

நாம் கடைகளில் வாங்கும் பெரும்பாலான பிஸ்கட்டுகள் சுத்திகரிக்கப்பட்ட மைதா மாவு, அதிகப்படியான சர்க்கரை மற்றும் ஆரோக்கியமற்ற கொழுப்புகளால் தயாரிக்கப்படுகின்றன.

டீயுடன் பிஸ்கட் சாப்பிடுவது சுவைக்காக மட்டுமே தவிர, இதில் பெரிதாக ஊட்டச்சத்துகள் இல்லை. மாறாக, மைதாவும் சர்க்கரையும் ரத்த சர்க்கரை அளவை திடீரென அதிகரிக்கச் செய்து, விரைவில் மீண்டும் பசியைத் தூண்டும். இது தேவையற்ற எடை அதிகரிப்புக்கு வழிவகுக்கும்.

பிஸ்கட்டில் உள்ள மைதாவில் நார்ச்சத்து மிகவும் குறைவு. தொடர்ந்து டீயுடன் பிஸ்கட் சாப்பிடுவதால், வயிற்றில் அமிலத்தன்மை, வீக்கம் மற்றும் மலச் சிக்கல் போன்ற செரிமானக் கோளாறுகள் ஏற்படலாம். அடிக்கடி சர்க்கரை மற்றும் டிரான்ஸ் கொழுப்புகளை உட்கொள்வது நீரிழிவு, இதய நோய்கள் மற்றும் பிற வளர்சிதை மாற்ற நோய்களின் அபாயத்தை அதிகரிக்கும்.

பிஸ்கட்டில் உள்ள ஹைட்ரஜனேற்றப்பட்ட எண்ணெய்கள், உடலில் கெட்ட கொழுப்பின் அளவை அதிகரித்து, நல்ல கொழுப்பின் அளவைக் குறைக்கும்.

சரி, பிஸ்கட்டுக்கு பதிலாக டீயுடன் என்ன உட்கொள்ளலாம்? இதோ...

கொட்டைப்பருப்புகள்: பாதாம், முந்திரி, அக்ரூட்.பிஸ்தா போன்ற கொட்டைப்பருப்புகள் ஆற்றல் நிரம்பியவை இவற்றில் புரதம், ஆரோக்கியமான மோனோசாச்சுரேட்டட் மற்றும் பாலிசாச்சுரேட்டட் வைட்டமின் இ. கொழுப்புகள், நார்ச்சத்து, மெக்னீசியம், செலினியம் போன்ற அத்தியாவசிய தாதுக்கள் நிறைந்துள்ளன. ஒரு கைப்பிடி அளவு கொட்டைப்பருப்புகள், நீண்ட நேரம் பசியைக் கட்டுப் படுத்தி, மூளை ஆரோக்கியத்துக்கும். இதய ஆரோக்கியத்துக்கும் துணைபுரியும். வறுத்த அல்லது உப்பு சேர்க்காத கொட்டைப்பருப்பு வகைகளைத் தேர்வு செய்வது, அதிகம் சோடியம் உட்கொள்வதைத் தவிர்க்க உதவும்.

முளைகட்டிய பயிறுகள்: முளைகட்டிய பச்சைப்பயிறு, கொண்டைக்கடலை, கொள்ளு போன்றவற்றை சாப்பிடுவது ஊட்டச்சத்து மதிப்பை பன்மடங்கு அதிகரிக்கும். முளைகட்டுவதன் மூலம் இவற்றில் உள்ள சி, பி வைட்டமின்கள், நார்ச்சத்து மற்றும் புரதச் சத்துகள் அதிகரிக்கின்றன. மேலும், இது செரி மானத்துக்கு மிகவும் எளிதாகும். முளைகட்டிய பயிறு களை லேசாக வேகவைத்து, பொடியாக நறுக்கிய வெங்காயம், தக்காளி, வெள்ளரி, சிறிதளவு உப்பு, மிளகுத்தூள் மற்றும் எலுமிச்சைச் சாறு சேர்த்துச் சாலட் போல சாப்பிடலாம். இது ரத்த சர்க்கரை அளவை சீராக வைத்திருக்க உதவும்.

பழங்கள்: ஆப்பிள், வாழைப்பழம், ஆரஞ்சு. பேரிக்காய், கொய்யா, மாதுளை போன்ற பழங்கள் டீ நேரத்திற்கு மிகவும் பொருத்தமானவை. இவற்றில் இயற்கையான சர்க்கரையான பிரக்டோஸ், நார்ச்சத்து மற்றும் அத்தியாவசிய வைட்டமின்கள் நிறைந் துள்ளன.

வேர்க்கடலை: எளிதில் கிடைக்கும் மற்றும் விலை மலிவான வேர்க்கடலை, புரதம், ஆரோக்கியமான கொழுப்புகள், நார்ச்சத்து மற்றும் பல வைட்டமின்கள், தாதுக்கள் நிறைந்தது. வறுத்த வேர்க்கடலையைச் சிறிதளவு உப்பு சேர்த்து அல்லது உப்பு சேர்க் காமல் சாப்பிடலாம். இது உடல் எடையைக் கட்டுப்படுத்தவும். இதய ஆரோக்கியத்துக்கும் உதவும்.