அன்றாட வாழ்க்கைக்குத் தேவையான உணவு, உடை, உறைவிடம், தண்ணீர் அனைத்துக்குமே நேரடியாகவோ, மறைமுகமாகவோ மனிதன் உள்ளிட்ட உயிர்கள் அனைத்துமே மண்ணையே நம்பியிருக்கின்றன. தேசபக்தி, வீரம், கற்பு எல்லாவற்றையும் மண்ணோடு தொடர்பு படுத்திப் பேசுகிறோம். ஆனால், உண்மையிலேயே அந்த மண்ணை நாம் எவ்வாறு பராமரிக்கிறோம் என்று யோசித்தால், வேதனையே மிஞ்சும். மண்ணைப் பாதுகாக்கவும், அதைச் சீரழிக்காமல் நம் வருங்கால சந்ததியிடம் ஒப்படைத்துச் செல்ல வேண்டிய அவசியத்தை உணர்த்தவும் ஆண்டுதோறும் டிசம்பர் 5-ம் தேதி உலக மண் தினம் கொண்டாடப்படுகிறது. முழு பூமிக்கும் பல்லுயிரியம் இருப்பதுபோல, மண்ணுக்குள்ளும் புரோட்டோசோவா, பாக்டீரியா, பூஞ்சைகள், மண் புழுக்கள், சின்னஞ்சிறு பூச்சிகள் என மிகப் பெரிய பல்லுயிரியம் உள்ளது. பூச்சிக்கொல்லி, ரசாயன உரம் மற்றும் வேதிப் பொருட்களால் அதனையும் நாம் அழித்து வருகிறோம். மண்ணையும் அழித்து, அதனை வளப்படுத்தும் உயிர்களையும் அழித்து வருவதால் நம் மண் சூழல் மலடாகும் அபாயம் நெருங்கி வருகிறது.
இதை எல்லாம் தடுப்பதற்காகவும், மண் வளத்தைப் பாதுகாப்பதற்காகவும் 2002 ஆம் ஆண்டில், சர்வதேச மண் அறிவியல் ஒன்றியம் உலக மண் தினத்தை ஆண்டுதோறும் டிசம்பர் 5 அன்று கொண்டாட பரிந்துரைத்தது. மேலும், தாய்லாந்து இராச்சியத்தின் தலைமையிலும், உலகளாவிய மண் கூட்டாண்மை கட்டமைப்பினுள் உலக மண் தினத்தை உலகளாவிய விழிப்புணர்வை ஏற்படுத்தும் தளமாக முறையாக நிறுவுவதற்கு FAO ஆதரவளித்தது. FAO இன் மாநாடு ஜூன் 2013 இல் உலக மண் தினத்தை ஒருமனதாக ஒப்புதல் அளித்தது மற்றும் 68 வது ஐ.நா பொதுச் சபையில் அதன் உத்தியோகபூர்வ தத்தெடுப்பைக் கோரியது. டிசம்பர் 2013 இல், 68 வது அமர்வில் ஐ.நா பொதுச் சபை டிசம்பர் 5 ஐ உலக மண் தினமாக அறிவித்தது. முதல் உலக மண் தினம் 5 டிசம்பர், 2014 அன்று கொண்டாடப்பட்டது.
0 கருத்துகள்