நீர் மாசுகட்டுப்பாடு மற்றும் பாதுகாப்பு சட்டம்

நீர் மாசுபடுதலை தடுத்து, கட்டுப்படுத்தும் பொருட்டும் அதனை பாதுகாக்கும் பொருட்டும் 1974 ஆம் ஆண்டு நமது பாராளுமன்றத்தில் நீர் மாசுகட்டுப்பாடு மற்றும் பாதுகாப்புச் சட்டம் இயற்றப்பட்டது. இதில் 8 அத்தியாயம் மற்றும்64 பிரிவுகள் உள்ளன.

அத்தியாயம்-1

இதில் வாரியம், மைய மற்றும் மாநில வாரியம், உறுப்பினர், சாக்கடை, கழிவுநீர், வணிக கழிவுநீர், ஓடை மாசுபாடு பற்றி வரையறுக்கப்பட்டுள்ளது.

அத்தியாயம்-2

இது மத்திய, மாநில மாசுக் கட்டுப்பாட்டு வாரியம், கமிட்டி, நிபந்தனைகள், வாரியத்தின் செயல் கூட்டம், தலைவர், செயலாளர் மற்றும் அலுவலர்களின் அதிகாரம் பற்றி விளக்குகிறது.

அத்தியாயம்-3

இது அமைப்பு, கூட்டமைப்பு மற்றும் சிறப்பு இணைப்பு வாரியம் பற்றி விளக்குகிறது. எடுத்துக்காட்டு காவிரி நதிநீர் இணைப்பு ஆணையம். கர்நாடகா தமிழ்நாடு பாண்டிச்சேரி மற்றும் மத்திய வாரிய உறுப்பினர்களை கொண்டுள்ளது.

அத்தியாயம்-4

இது மத்திய மாநில வாரியத்தின் பணிகள் குறித்தும், அதிகாரம் குறித்தும் கூறுகிறது.

அத்தியாயம்-5

இது மாநில அரசுக்கு மாதிரி எடுத்தல், சோதனைச்சாலையில் பரிசோதித்தல் மற்றும் முடிவுகளை வெளியிடுதல் ஆகிய அதிகாரங்களை பற்றி கூறுகிறது. இந்த முடிவுகளின் மூலம் கிணறு மற்றும் ஓடைகளில் வெளியிடப்படும் கழிவுநீரை தடை செய்யலாம்.

அத்தியாயம்-6

இது மாநில, மத்திய வாரியத்தின் நிதி, நிதி நிலை பட்டியல், வருடாந்திர அறிக்கை சமர்ப்பித்தல், கணக்குப் பதிவேடு மற்றும் தணிக்கை, பராமரிப்புப் பற்றி விளக்குகிறது.

அத்தியாயம்-7

இது தண்டனை பற்றி விளக்குகிறது. விதியை மீறுபவர்க்கு ஒரு வருடமோ அல்லது ஆறு மாதமோ சிறைத்தண்டனை. மேலும் இது ஆறு வருடத்திற்கு அபராதத்துடன் நீடிக்கலாம். இது தவறியபட்சத்தில் ஒரு நாளைக்கு ரூபாய் 5000 வசூலிக்கப்படும்.

அத்தியாயம்-8

விதிகளை கூறுவதற்கும், மைய மற்றும் மாநில நீர் பரிசோதனை கூடம், பரிசோதனை, பரிசோதிப்பரின் அறிக்கை, பாதுகாப்பான நடவடிக்கை போன்ற மைய, மாநில, அதிகாரத்தைப் பற்றி விளக்குகிறது.