நாகதோஷம் நீக்கும் நாகராஜர் கோவில் — நாகர்கோவில் வழிபாட்டு தலம்

 

கன்னியாகுமரி மாவட்டத்தில் குமரி பகவதி அம்மன் கோவிலுக்கு அடுத்தபடியாக, மிகவும் பிர சித்தி பெற்ற திருத்தலமாக நாகர்கோவில் நாகராஜா ஆலயம் திகழ்கிறது. இந்த ஆலயத்தின் பெயரில்தான். இந்த ஊரே உள்ளது என்றும் சொல்லலாம். கன்னியாகுமரி மாவட்டம் நாகர்கோவில் நகரின் மையத்தில் இருக்கிறது. நாகராஜா கோவில் கிழக்கு பார்த்து அமைந்த ஆலயம் என்றாலும், தென் திசையில் உள்ள கோபுரம்தான், பிரதான கோபுரமாக செயல்படுகிறது. கிழக்கு வாசல் வழியாகவும் கோவிலுக்குள் வர முடியும். என்றாலும் தெற்கு திசையில் உள்ள கோபுர வாசலைத்தான் பக்தர்கள், காலம்காலமாக பயன்படுத்தி வருகின்றனர்.

நாக வழிபாடு உள்ள ஆலயங்கள் நம் நாட்டில் பல இருந்தாலும், அவை எல்லாம் சிவன் கோவிலாகத்தான் இருக்கும். ஆனால் இங்கு மூலவரே நாகராஜராக இருப்பது விசேஷம். ஆதிகாலத்தில் இந்த பகுதி வயல்கள் சூழ்ந்ததாக இருந்துள்ளது. வயலில் அரிவாளை வைத்து நெற்கதிர்களை அறுத்துக் கொண்டிருந்த ஒரு பெண், நெற்கதிரை அறுக்கும்போது, திடீரென ரத்தம் வந்தது. இதைக் கண்டு பயந்து போன அந் தப்பெண் அருகில் இருந்தவர்களிடம் சொல்ல, அவர்கள் ரத்தம் வந்த இடத்தைப் பார்த்தபோது, அங்கே பாறையொன்றில் ஐந்து தலையுடன் கூடிய நாகம் உருவம் இருந்தது. அந்த நாகர் சிலையின் மேற்பகுதியில் ரத்தம் வந்து கொண்டிருந்தது. பின்பு அந்த நாகர் சிலைக்கு பாலாபிஷேகம் செய்து வழிபட்டதும்ரத்தம் வருவது நின்றது. எனவே அந்தப் பகுதி மக்கள், தினமும் அந்த சிலைக்கு பால் அபிஷேகம் செய்து வழிபடத் தொடங்கினர். இதனால் அந்த மக்களின் வாழ்க் கையில் துன்பங்கள் அகன்று, வசந்தம் வீச ஆரம்பித்தது. முதலில் குடிசைப் போட்டு சிலையை வைத்து ஆராதித்து வந்தனர். ஒரு முறை சரும நோயால் பாதிக்கப்பட்ட களக்காடு பகுதியை ஆண்டுவந்த மன்னன் மார்த்தாண்டவர்மா, இந்தக் கோவிலுக்கு வந்தார். அவர் நாக ராஜருக்கு பால் அபிஷேகம் செய்து வழிபட்டு நோய் நீங்கப் பெற்றார். இதனால் மகிழ்ந்த மன்னன், அவ்விடத்திலேயே நாகராஜாவுக்கு ஆலயம் எழுப்பினார். ஆனால் கருவறை மட்டும் நாகங்கள் வசிப்பதற்கேற்ப, ஒலைக் கூரையா லேயே வேயப்பட்டது.  ஒவ்வொரு ஆண்டும் ஆடி மாதத் தில் இத்தல அர்ச்சகர்களே ஒலைக் கூரையைப் பிரித்து விட்டு, புதிய கூரையை வேய்கிறார்கள். கேரள கட்டிட பாணியில் இந்த ஆலயம் அமையப்பெற்றுள்ளது. இந்தக் கோவிலை நாகங்களே பாதுகாப்பதாக சொல்லப்படுகிறது.

கருவறையில் நாகராஜர் ஐந்து தலைகளுடன் சுயம்புவாக காட்சி தருகிறார். இத்தலத்தில் தர்னேந்திரன் என்ற ஆண் நாகமும்,பத்மா நாகமும் துவாரபால கர்களாக உள்ளனர். வின் எதிரில் தூணில் நாகக் கன்னி சிற்பம் இருக்கிறது. கருவறையில் நாகராஜா இருக்கும் இடம் மணல் திட்டாக உள்ளது. மேலும் வயல் இருந்த இடம் என்பதால் எப்போதும் இவ்விடத்தில் நீர் ஊறிக்கொண்டே இருக்கிறது. இது இன்றும் காணக் கூடிய ஒரு அதிசய நிகழ்வாகும். இந்த நீருடன் சேர்ந்த மணலையே, கோவில் பிரசாதமாக பக்தர்களுக்கு வழங்குகிறார்கள். இந்த மணலானது ஆடி மாதம் முதல் மார்கழி மாதம் வரை கருப்பு நிறத்திலும், தை மாதம் முதல் ஆனி மாதம் வரை வெள்ளை நிறத்திலும் மாறிக் கொண்டே இருப்பது அதிசயிக்கத்தக்க ஒன்றாகும்.

 நாகராஜர் சன்னிதிக்கு வலது புறம் காசி விஸ்வநாதர், அனந்த கிருஷ்ணன் மற்றும் கன்னி மூல கணபதி சன்னிதிகள் அமைந்துள்ளன. தினமும் நாகராஜருக்கு பூஜைகள் நடைபெற்று முடிந்த பின்னர்தான், இவர்களுக்கு பூஜைகள் நடை பெறும். அர்த்த ஜாம பூஜையில் மட்டும் அனந்த கிருஷ்ணருக்கு முதல் பூஜை நடைபெறுகிறது.  இத்தல காசி விஸ்வநாதருக்கு சிவராத்திரி மற்றும் பிரதோஷ நாட்கள் விசேஷமானவை. இந்த இருதினங்களிலும் காசிவிஸ்வநாதர் மற்றும் நாக ராஜாவுக்கு பால் அபிஷேகம் செய்து வழிபாடு செய்தால் இன்பம் பெருகும்.

இந்தக் கோவிலின் பிரதான மூலவர் நாகராஜர் என்றாலும், அனந்த கிருஷ்ணர் சன்னிதிக்கு எதிரிலேயே கொடி மரம் இருக்கிறது. தை மாதத்தில் அனந்த கிருஷ்ணருக்கே பிரம்மோற்சவமும் நடக்கிறது. அப்போது அனந்த கிருஷ்ணர் திருத்தேரில் எழுந்தருள்வார். தை மாத ஆயில்ய தினத்தன்று ஆராட்டு வைபவமும் நடைபெறும். பெருமாள் கோவில்களில் கொடி மரத்தின் உச்சியில் கருடன் இருப்பது வழக்கம். பாம்பும், கருடனும் பகைவர்கள் என்பதால், இத்தல பெருமாள் சன்னிதியின் கொடி மரத்தில் ஆமை இருப்பதாக ஐதீகம்.

ஆவணி மாத ஞாயிற்றுக்கிழமை வழிபாடு மிகவும் பிரசித்திப் பெற்றது. ஆவணி மாதம் வரும் ஒவ்வொரு ஞாயிற்றுக்கிழமைகளிலும் பல்லாயிரக்கணக்கான பக்தர்கள் இத்தலத்திற்கு வந்து வழிபாடு செய்கிறார்கள். ஆவணி ஞாயிற்றுக்கிழமைகளில் இவ்வாலயத்தின் முன் புள்ள அரசமரங்களின் கீழ் பிரதிஷ்டை செய்யப்பட்டுள்ள நாகர் சிலைகளுக்கு பக்தர்கள் தங்கள் கையாலேயே மஞ்சள் பொடி தூவி, பால் அபிஷேகம் செய்யலாம். இவ்வாலயத்தில் தினமும் காலை 10 மணிக்கு மூலவர் நாக ராஜாவுக்கு பால் அபிஷேகம் நடைபெறுகிறது.

Source 

தினத்தந்தி -அருள்தரும் ஆன்மீகம் 

Key words 

நாகதோஷம்,நாகதோஷம் நீக்கும் கோவில்,நாகராஜர் கோவில்,நாகதோஷம் மரணம் தீர்க்க,நாகராஜா ஆலயம்நாகதோஷம் அகற்றும் நாகராஜர் கோவில்,நாகதோஷ நிவாரண கோவில் தமிழ்நாடு,நாகர்கோவில் நாகராஜா ஆலயம் வழிபாடு,பால் அபிஷேகம் நாகராஜா சிலைக்கு,நூறும் பாலும் பூஜை நாகராஜா கோவில்,Rahu Ketu dosha temple Tamil Nadu